Platformaga kirish

Ish haftasini barcha uchun besh kunlik qilib belgilash haqida

Mening taklifim barcha fakultet va boʼlimlarni toʼliq 5 ish kunidan iborat ish haftasiga oʼtkazishdan iborat. Bu amaliyot rivojlangan Yevropa va Osiyo mamlakatlarida keng qoʼllanilib, oʼzining iqtisodiy va ijtimoiy samarasini amalda isbotlagan. UShBU TIZIMNING АFZАLLIKLАRI: - ishchilarda qoʼshimcha dam olish kunining paydo boʼlishi, ularda dam olishga nisbatan ehtiyojni oshiradi va bu albatta, ichki turizmning rivoji uchun muhim hisoblanadi; - ishchilarda ishga nisbatan ishtiyoqning oshishi. Olimlarning taʼkidlashicha, 5 kunlik ish kuni ishchilarda qoʼshimcha gʼayrat paydo qilar ekan. Ular haftaning birinchi ish kunini barcha uy tashvishlaridan holi, muammolarsiz boshlash imkoniyatiga ega boʼlishadi; - turmush farovonligining oshishi. Ikki kunlik dam olish ishchi xodimlarda oilasi bilan koʼproq vaqt oʼtkazish imkoniyatini yaratib, ularda oilasi bilan dam olish, sayohatlarga chiqish va bola tarbiyasi bilan birgalikda shugʼullanish, uy yumushlarini kamaytirish imkoniyatini yaratadi va bu oʼz navbatida, jamiyatimizning asosiy boʼgʼini boʼlgan oilaning mustahkam boʼlishiga qulay imkoniyat yaratadi; - universitet uchun xarajatlarni iqtisod qilish imkoniyati. Turli xil kommunal xarajatlar oʼrtacha 15-20% ga qisqaradi. Xodimlar ham qisqartirilgan kunlar hisobiga yoʼl va ovqatlanish xarajatlaridan iqtisod qilish imkoniyatiga ega boʼladi.